СЛОВО АВТОРА

Чи треба нєшка доказовац же єст Бог? През вецей децениї зме то интензивно робели. Дакеди випатрало же то главни предмет нашого наказованя. И видзело нам ше же кажди чловек хтори розумно спозна и припозна же єст Бог створитель, уж зоз самим тим постал вирнїк. Так зме розумну дію припознаня Божей еґзистенциї на одредзени способ помишали з надприродну подію обраценя. Цо зме вецей були свидоми тей гришки, то зме вецей упадовали до спокуси другей крайносци. Почало ше шириц одредзене нєнавидзенє апологетики и теодицеї, цо могло привесц до ирационалного фидеїзма, як кед би розум нє мал нїч з виру, як кед би ше з розумним заключованьом на основи провадзеня природи нє могло о Богу нїч повесц, як кед би то аж нє було анї потребне. Но, каждому познавательови теологиї и Святого Писма такой ясне же би ше таке становиско процивело голєм Кнїжком мудросци Святого Писма и дефиницийом Першого ватиканского собора Може буц точне же першим християнским вировистнїком нє було потребне доказовац иснованє божества, бо вони нависцовали поганом котри тото од скорей верели, та им лєм требало указац же божество єдно єдине и же ше зявело у Израїлу и у Богочловеку Исусу Христу. Нєшка, медзитим, нависцуєме швету котри у досц велькей мири атеїзовани. Прето зме тримали же нєшка треба указовац людзом же як у цалей зявююцей стварносци и без Обявеня мож обачиц шлїди Розума Створителя. Глїбоко зме сви¬доми же зоз тим нє доказуєме нєпостредно Бога Обявеня, але лєм валяме наївни механїчни материялизем. Чували зме ше тиж же бизме нє упадли до наївней теологиї. Ослухуюци сучасни менталитет статистичней законїтосци, хтори обнїма и природни и дружтвени науки, нє сцели зме одруциц анї можлївосц проґресивней еволуциї зоз селекцию, на перши погляд случайних пременкох. Познаватель тей проблематики обачи тоту тенденцию у наслове "Венера з динамитом".

Але основна намена тих написох, котри през вецей роки виходзели у "Ґласу концила", нє була нашироко розпатрац филозофско-теологийну проблематику, алє зме насампредз сцели родичом и вироучительом помогнуц же би на конкретних прикладох з рошлїнского и животиньского швета звиковали дзеци обачовац и ослухо-вац Божи шлїди у природи и так их одучовац од наївного материялизма. Треба мац на розуме же сучаснєйши диялектични материялизем марксистичного типу з велькей часци анї нє потрафени з таким приступом, бо марксиста на свой способ зна же стварносц ЛОҐИЧНО законїта, нєзависно од людского розума. Ту ше нє можеме глїбше упущовац до того розпатраня. З єдного боку факт же прави марксистични материялизем ище вше барз мало присутни у свидомосци на¬ших школских дзецох, бо ше место нього, гоч под його меном, по линиї лєгчейшого одупераня, дзецом понайвецей дава механїчни материялизем; а з другого боку, заш - дзе ше пестую преподаваня правого марксистичного материялизма - дзеци котри на тот способ уж науча нагадовац Логос у природи, буду порихтанши за конструктивнєйши диялог з марксистичним похопеньом. Наздаваме ше же родичи и вироучителє годни тоту кнїжочку хасновито и прикладно применьовац у катакизу.

У Загребе, 28. януара 1975. року, на дзень св. Томи Аквинского

Слово автора ........................................... 5

Слово прекладателя .................................... 7

Знаходлїве курче ....................................... 9

Фабрика на турнї...................................... 10

Мачка апатикарка...................................... 11

Монтажни хижи з пластичнима вязами................ 12

Анї риболов "на швичку" нє видумали людзе.......... 13

Додатне месове єдло................................... 15

Пчолов шифровани танец.............................. 16

Три його животи...................................... 18

Два чуда у власней глави .............................. 20

Спасительни самозабойнїки ........................... 23

Гнїзда и колїски....................................... 25

Цицаре нє лєца без радара............................. 28

Желєна мистерия..................................... 30

У неурохирургиї нїч нове ............................ 32

Хто видумал єдрилицу и падобран..................... 34

Шифра зоз 250 тисячи знаками у нєвидлївей капки .................................... 36

Вакумски вишалки и млазни мотори у штучней молги.............................. 40

Фабрика паперу и климатизация квартельох звичайних осох............................. 41

Квартель по нарученю и задармо....................... 43

Тисячрочни туристични воздушни драги.............. 45

Нет кризи у польопривреди и статкарстве.............. 48

Високи морал вовчей лаби............................. 50

Превельо случайносци же би ше верело до случаю..... 52

Тайна жирафовей шиї ................................. 54

Авиони - плагияти птицох ............................ 56

Делфини плїваю нєдопущено швидко.................. 58

Делфини ше уча по английски.........................60

Тайна павуковей мрежи................................ 63

Огень у фундаментох.................................. 65

Орхестер у глави ...................................... 67

Ґамила на Мешачку................................... 70

Мармот пред диплому................................. 72

Покрутки "дую на жимне"............................. 74

Рак револвераш........................................ 76

Фотоклїтинка, телевизия и Бог........................ 78

Нєвидлїви обмотки Жеми............................. 81

Пол мозга - цала особа ................................ 82

Найщешлївши лєнюх ................................. 84

Кед цернє и лїсце почне ходзиц....................... 86

Камени чипки и капка олєю........................... 87

Контраинформуюце досцигнуце малих мотильчкох..................................... 89

И пинґвини загадка ................................... 91

Вентил дохтора Дебейкия ............................. 92

Морска шаблярка - живи торпедо...................... 93

Донґов процив физики ................................ 95

Венера з динамитом................................... 96

Волаю го "Процив случай" ............................. 98